（2023 年 5 月 15 日）為慶祝母親節，無綫昨晚推出特備節目《億世家電器特約：我和媽咪有個約會》，由陸浩明及薛家燕擔任主持，出席嘉賓有（排名不分先後）周吉佩、李佳及兩名兒子、羅啟豪及媽咪 Anne 、黃洛妍（Janees）及媽咪 Joyce 、樊亦敏、 陳浚霆、何晉樂、詹天文、金永衡、彭家賢、趙頌宜及 XiX，眾人先後獻唱《世上只有》、《魯冰花》、《念親恩》及《分分鐘需要你》等歌曲。
網民推羅啟豪媽媽參加《中年好聲音》
眾多環節，以羅啟豪與媽咪合唱《Cheek To Cheek》，及 Janees 與媽咪合唱《談情說愛》最惹熱討，對於兩位唱得之人的媽咪在節目中難得開金喉，網民對兩位媽咪唱功更是大表驚喜：「羅啟豪媽媽專業歌藝，舞姿跟啟豪好夾」、「啟豪和媽咪唱得好好聽，眼神交流好溫馨」、「羅啟豪媽媽應該也參加中年好聲音」、「Janees 媽咪 Joyce 好靚女，可以組雙 J 合唱團」、「Jan（Janees）同 Jan 媽好有愛，Jan 媽栽培得 Jan 超級好，看得出品德兼備」。
羅啟豪細個為練琴與媽咪磨擦頻生
啟豪與 Janees 還分別對媽媽進行真情剖白，啟豪笑指自己小時候愛駁嘴，經常與媽咪因練琴問題有磨擦，啟豪說：「一開始我學琴，我媽媽話係我自願學，但之後我唔願學。」Anne 聞言笑着補充：「我（嬲到）話會趕佢走。」Janees 則謂一直很渴望媽媽的稱讚，她說：「我媽咪係一個要求好高嘅人，所以由細到大佢從
來都唔讚我」，Joyce 聽畢感觸回應：「其實我唔係唔讚佢，只係我想佢更加虛心啲學習，唔好讚壞咗。」
啟豪及 Janees 又按製作組要求親手寫信給媽咪，羅啟豪信中自爆奀皮史：「媽咪，我明嘅，因為我細個比較頑皮同唔聽話，做功課同練琴成日要你去督促，普通話補習時永遠唔見咗人，仲要成日同二家姐打交，令你好心痛將我送去英國寄宿，等我學識自律。最近你畀咗勇氣我去參加《中年》，令我可以開始人生新一頁，所以媽咪我多謝你，我永遠愛你。」至於 Janees 則主要感謝母親 Joyce 一路以來的包容，及為自己的種種付出：「冇你就冇今日嘅我，多謝你媽咪，請原諒我嘅固執同倔強，其實我都好希望可以保護你，呢幾年你辛苦了，Jan 都長大喇，係時候畀我照顧你」，Joyce 邊讀邊感動至淚如雨下，Janees 見狀即無限痛惜地為媽咪抹眼淚，場面感人。
