《香港婚後事》今晚（5 月 24 日），10 點半，在翡翠台播映最後一集，節目主持為陳自瑤（Yoyo）、賴慰玲（Winki）、黎諾懿及羅天宇，嘉賓是羅子溢和李丞責師傅。
玄學大師變愛情專家
丞丞師傅除了是玄學大師，原來還是愛情專家！諾懿問他識女仔時，會否先算八字，丞丞師傅笑言：「算乜鬼啫，你同人哋熟先會畀出生日期你，你仲爭個時間，要估晒 12 個時辰？」丞丞師傅認為緣分天注定，婚姻則要努力經營，並大拋愛情哲理。「（戀愛）過程係一個人嘅修練同成長，你唔可以跳過成長，我覺得得失唔重要，最終你會知道自己要乜嘢、得到乜嘢，同埋要珍惜啲乜嘢。」
Yoyo 化身問題少女問師傅如何經營與太太的婚姻？丞丞師傅大方分享：「每日你都要當第一次約會佢一樣，你認為佢每日都飲檸檬茶嘅，你唔好習慣性倒杯檸檬茶畀佢就當完咗件事，或者佢唔夠瞓要飲咖啡呢？如果你老婆有一日鬧你，你要值得開心，因為佢仲會為你而𤷪。」諾懿聞言笑說：「咁佢（我老婆）好愛我，佢日日都𤷪我！」
丞丞師傅原來係愛情專家，大拋愛情哲理。
另類愛妻宣言
談到與太太劉倩婷相處，丞丞師傅爆太太掌管家中財政大權。「我從來唔理銀行戶口有幾多錢，亦都唔會理老婆點使錢，因為我要相信對方點處理。佢方法可能唔係最好，但係一定會比我好，因為我冇時間處理咁多嘢，有人幫我解決晒問題就好開心，但呢啲我唔會同老婆講，因為驚佢會得戚！」
講到兩人年齡相差 18 載，丞丞師傅說：「我可能真係會走先，我走先係帶畀佢好多痛苦，所以我要喺呢段時間，首先補償佢呢個痛苦。」絕對是百分百愛妻號。丞丞師傅又教大家睇相看性格，他說眼大者通常感情用事，眼細者則比較理性，眼睛唔大唔細者則是理智和感性兼備，師傅還會教大家如何憑眉毛，一眼看出花心蘿蔔。
Yoyo 化身問題少女。
子溢同諾懿爭住認不浪漫。
子溢同太太楊茜堯好恩愛。
不戴婚戒真相
子溢和諾懿又齊齊自認不是浪漫的人，諾懿更自揭不浪漫求婚經歷。「我係拍醒佢（太太）求婚，我話師傅話要結婚，唔結就要等三年。之後我訂咗山頂間餐廳求婚，雖然佢又知我又知，但求婚戒指個盒喺褲袋度凸晒出嚟，真係好唔掂，老婆都話真係好唔浪漫！」子溢則自言比諾懿好少少，「我係瞓覺前（求婚）。」
諾懿續指自己在大婚當日，差點弄不見婚戒，更嚇到一度爆粗。「結婚嗰晚擺完酒，我已經（醉到）唔知戒指去咗邊！好彩有兄弟知道我係咁，所以一早幫我袋好咗！」兩人還會在節目中揭露不戴婚戒真相，密切留意今晚最後一集的《香港婚後事》。
諾懿擺酒當日醉到差點弄不見婚戒，嚇到爆粗！
子溢同諾懿公開不戴婚戒原因。