陳自瑤（Yoyo）、賴慰玲（Winki）、黎諾懿及羅天宇主持的《香港婚後事》，今晚播出的第 8 集嘉賓為龔慈恩（龔姐），探討的主題是離婚。
離婚各有見解
談及離婚這個話題，龔姐分享對夫婦離異的見解。「冰封三呎，非一日之寒，比較傳統啲嘅女性，仔女係佔咗佢（生活）一大部分。佢可能喺某一段時間係完全忽略咗自己，將啲時間、精神、責任擺晒喺仔女身上。到某一日突然間醒咗，佢會意識要有自己人生，咁會令到有返咁上下年紀嘅人有離婚嘅意識。」Yoyo 則認為：「一段關係係雙方（付出），可能你好想為小朋友保持一個美滿家庭，但可能對方唔想，可能佢個心已經走咗，你格硬死𢱑都冇辦法，有啲嘢唔係一個人可以做到，呢啲情況就冇得選擇。」
龔慈恩望有伴
諾懿指香港每年約有過萬宗離婚個案，而離婚手續亦日漸簡化，對此 Winki 認為離婚變得流行。「大家覺得（離婚）冇咁大件事，即係兩個人婚姻（如果）出現咗問題，然後就（咪）離婚囉，唔去解決。」Winki 續指近來香港出現移民潮，不少夫婦亦因移民衍生的問題而鬧離婚。
至於問到龔姐找到適合的人會否考慮再婚？龔姐坦言：「會嘅，我覺得現階段係需要伴多啲，再唔再婚係另一個問題，但我唔抗拒。」
龔姐不抗拒再婚，認為現階段需要一個伴。
Yoyo 分享對離婚的睇法。
羅天宇自嘲似白老鼠
單親家庭長大的天宇坦言仍然相信愛情，希望將來可以給小朋友一個完整家庭。天宇有一位同母異父的弟弟胡㻗，兩兄弟感情要好，天宇笑言自己就像白老鼠。「我媽覺得呢個方式教仔唔係好掂，下個就會試用另一個方式，調整吓再做個好啲嘅出嚟。」天宇透露年輕時就像受保護動物，媽媽對他管教非常嚴格，就連放學後都不准出街打籃球，他笑言：「我好嬲呢樣嘢，我同細佬係唔同爸爸，我爸爸高過細佬爸爸，但我細佬高過我半個頭，點解釋吖？真係好嬲呀！龔姐個仔咁高，都係因為打籃球，我細佬去到中學時期，我媽叫佢打多啲籃球，唔好似阿哥，細佬係成功嘅實驗品。」
天宇話自己細個似白老鼠。
天宇嬲爆自己矮過細佬胡㻗。
黎諾懿教煎牛扒秘技諾懿今集化身教煮，指導天宇煎牛扒，只需利用一樣神秘醬料，便能將幾十元的牛扒煎成貴價口感。 Winki 試吃完，果真傻傻分不清哪一塊才是貴價牛排，諾懿說：「只要搽一搽（該醬料）啫，再拎去煎，就做到一塊去扒房先食到嘅香濃牛味道！」究竟神秘醬料是甚麼？節目自有分曉。此外，Winki 還分享了在職媽媽的辛酸，講到眼濕濕，她大爆兩次在啟德郵輪碼頭拍劇時，仔仔因故入醫院，不禁令她對啟德郵輪碼頭有陰影！今集繼續有「殘酷２選 1」，諾懿負責接受挑戰，面對「想做 5 億駙馬定天王巨星？」這個殘酷話題，他又會如何抉擇？
諾懿教大家只需要一個神秘醬料，就可以將平價牛扒煎出貴級牛扒的味道。
Winki 講起在職媽媽的辛酸，不禁眼濕濕。