新一集《中年好聲音 3》於周日（1 月 12 日），晚上 9 時 30 分翡翠台播映，評審團除了固定班底外，劉美君出任嘉賓評審，谷婭溦、韋綺姍和謝文雅則擔任導師，分別帶領「藍組」、「紅組」及「綠組」出戰。「藍組」隊員：劉傳民、劉曉昆、高菲、宗倩如、楊炳德、占士丁丁（Dan James）、羅逸軒、陳溢光、張與辰；「紅組」隊員：何平秋、杜閱、侯靜伊、陳嘉琦、郭偉倫、李創偉、阮慧珊、曹越、劉洋、黃博；「綠組」隊員：趙浚承、林立峰、陸東成、李金凱、王鄭浚仁、任永健、善玥澄、尤詩郡、陳芷盈、胡家健。
實力派唱將大混戰
「導師分組賽」下半場賽事，歌單如下：「紅組」曹越＋陳嘉琦 〈愛情轉移〉 、劉洋＋郭偉倫 〈想說〉 、黃博 〈傷追人〉 、「綠組」善玥澄＋李金凱 〈1874 〉、尤詩郡＋胡家健 〈會過去的〉 、陳芷盈 〈任天堂流淚〉 、「藍組」羅逸軒＋高菲 〈明年今日/十年〉 、陳溢光＋宗倩如 〈其實你心裡有沒有我〉 、張與辰 〈愛與誠〉 。按照賽制下半場及回合總結，評審將淘汰共兩名參賽者，27 強即將誕生！
講到最激烈，必定是最尾的古巨基歌曲比拼，被評審周國豐封為「男女大魔王」的張與辰和黃博同一回合登場，中間夾著唱得之人、有「中 3 王菀之」之稱的陳芷盈，絕對是實力派唱將大混戰！
男女魔王表現被讚
首出場的黃博獻唱 〈傷追人〉，直言：「首歌好慘，遇到渣男唔會去嗌交！」她不但以新鮮髮型亮相，唱歌時更多了眼神交流，獲主持車婉婉讚「對眼有火」，形容她像猛獸一樣，用內心力量反擊渣男！劉美君激讚黃博的演出，「佢望住我同我講佢嘅痛，真係吸住我去聽個故仔，唱得好好聽，感情完全 feel 到晒。」周國豐點評：「好多時扣分係你第一句，你今日第一句好穩。去到 chorus 部分個『洶湧』唔係亂咁嚟，將激情部分推到最高點。」
而張與辰則獻唱 〈愛與誠〉，演出獲評審肥媽激讚唱出屬於其個人版本。「我覺得你偷咗隻歌，畀到我聽唔係古巨基嘅歌，係張與辰嘅歌。」劉美君則略嫌張與辰哭腔太多，對其演出有讚有彈。「真係唱得好，我信你嘅能力，但係我覺得唔需要一開始畀嗰啲喊聲，少少 fine tune 就得。」「男女大魔王」演出叮噹馬頭，分數只有 1 分之差，到底張與辰還是黃博比較高分？
陳芷盈演出失準
至於「王菀之 2.0」陳芷盈獻唱 〈任天堂流淚〉，特意戴上圓框眼鏡，以一身宅女造型上陣。可惜萬事俱備，只欠東風，她竟然忘記戴 ear mon 耳機，令其表現比之前失準，音調錯 key，張佳添說：「你嘅問題係 key 定高咗少少，一路聽有少少吵耳。你係一個有音樂感、歌唱能力嘅人，只係首歌策略性爭啲，隻歌未必最適合你唱。」劉美君則指：「初頭幾唔錯，一路去冇左層次，呢隻歌應該靜靜地、
慢慢咁推上去，去到後面有啲急促，呼吸、成個人都亂晒。」到底今輪花落誰家，哪兩位參賽者會被殘酷淘汰呢？密切留意周日晚播出的《中年好聲音 3》。
