TVB Plus 播出的飲食節目《美食新聞報道》將於 7 月 18 日（星期四）播出的一集起，加入新環節「星級飯腳」，邀請一眾識飲識食的藝人化身成星級報料市民，將私藏美食餐廳推介在節目中公開。
首個亮相的嘉賓就是林盛斌（阿 Bob），其實第一集《美食新聞報道》介紹的人氣車仔麵檔，已經介紹一碗以 Bob 命名的「阿 Bob 麵」，今集阿 Bob 親身出馬，夥拍「美女試食員」黃嘉雯（Carmaney）去三間經常去的餐廳，推介更多「阿 Bob 餐」。
跟住阿 Bob 去搵食
第一間阿 Bob 推介餐廳是位於大角咀的泰國餐館，阿 Bob 私心推介「招牌胡椒豬骨湯燒肉卷粉」，這道菜原是泰國唐人街人氣餐廳配方，老闆從這店得到這個配方，加以改良，成為符合香港人口味的燒肉粉。其次，阿 Bob 還推介極之邪惡的鵝肝多士及鑊氣十足的炒雞肉公仔麵。
阿 Bob 經常來這店食午餐同消夜，Carmaney 笑問店員，阿 Bob 會不會帶女仔來幫襯？店員在阿 Bob「指導」下，說阿 bob 有帶女仔來，不過只是來食嘢，隨後更跟足阿 Bob 拍攝前教他所講的「台詞」，在鏡頭前說：「佢好乖㗎！」十分搞笑。之後店員說阿 Bob 有帶太太來食飯，這句說話並不是跟劇本來講㗎，總算還阿 Bob 一個清白。
黃婉曼做美女試食員
阿 Bob 之後帶 Carmaney 到太子，品嚐懷舊港式鐵板餐，懷緬香港昔日情懷。餐廳新出品「巨人雜鐵板餐」有煙肉、流心蛋、芝華力腸、牛仔骨、雞扒及豬扒，份量十足！這裏的套餐除了有鐵板肉扒，更包了港式西湯、餐包、啫喱甜品加飲品，CP 值極高。最後一站來到銅鑼灣的日式串燒店，這店最特別的地方是用炭爐來燒串燒，讓串燒更有風味。阿 Bob 嚴選三道必點食物，包括燒阿波尾雞翼、特製燒雞皮及月見蟹膏醬油燒飯團，款款推介都食到 Carmaney 舔舔脷！
今集除了有 Bob 帶大家去搵食，Icy 更打破主播有得睇冇得食的慣例，終於衝出錄影廠，與美女試食員伍倩彤（Gillian）一齊品嚐當造的大馬特級 D197 貓山王，滿足榴槤控 Icy 的願望！
