《Mayanne 小喇叭》，主持麥美恩（Mayanne）請來兩位同樣來自溫哥華的選美界好姊妹岑麗香（香香）及李亞男（Leanne）擔任嘉賓，開心 share 老公經及仔女經。
香香因為一句「跌咗個 Toy（胎）」，令到全場笑到失控。
麥美恩見證岑麗香成長
Mayanne 在節目中透露與香香結緣是因為當時自己在溫哥華，機緣巧合下做了溫哥華小姐褓姆，因而見著香香成長，並成為好友。平時望落溫柔又賢淑的香香私下原來流著瘋狂的血，分享近日一則看似日常的帶住細佬接哥哥放學事件時，不但表情十級誇張，說到肉緊處更忍不住愈講愈大聲。香香因不諳廣東話將「跌咗個玩具」，不斷說成「跌咗個 Toy（胎）」，令全場陷入爆笑局面。
香香先是嘆氣表示：「開頭冇嘢嘅，細仔乖乖咁坐喺度，咁 Bus mom（校車褓姆）會遞書包畀你，因為（大仔）五歲，仲係好細個，你要 Hold 住佢跳落嚟，咁你就放低咗另一個。我一放低咗細嗰個，佢就調頭跑，跟住我就大叫 Stop，佢就向住我笑，調頭再跑，癲咗呀！」
香香示範自己怎樣不顧身勢喝停個細仔，十分好笑。
分享湊仔驚險經歷
當時仍拖著大仔 Jacob 的香香只能拉著大仔，追趕細仔，豈料大仔卻在緊要關頭「跌咗個 toy」，當時香香望到迎頭有架的士即將駛至，她只能爆 Seed 保護兒子．「我好似慢鏡咁，即刻的起個仔，攞埋個 Toy，跟住架的士就過咗。呢個時候個細仔仲跑緊，跟住我就癲咗大叫 Julias，我都見到啲街坊轉過嚟望住我，見到我滴晒汗。」Mayanne 聞言即笑指若身處現場、必定舉機拍攝難得一見的岑麗香咆哮一刻，香香亦笑言當時有晒心理準備：「我唔理喇，人命緊要呀。」
可愛又精靈的香香分享御夫術時，笑言有句御夫必殺金句，可令老公強強任勞任怨。除了御夫術，香香還分享了夫妻分工教仔心得。
Leanne 自揭在屋企成日騷擾老公，還即場進入狀態示範。
李亞男最受騷擾祖藍
向來樂意公開大談老公王祖藍的 Leanne 自揭當時祖藍為華姐擔任廣東話導師時，Leanne 竟享有驚人特權，Leanne 事隔多年說起往事，仍忍不住沾沾自喜，並 sweet 爆分享愛情保鮮大法，實用又爆笑。
結婚多年後仍愛得甜蜜的 Leanne，曲線大數祖藍好處。「其實揀老公要睇吓佢係咪愛你啦，有冇愛埋你屋企，愛埋你啲朋友，同埋係咪專一嘅人，孝唔孝順。」之後又與香香一樣七情上面，搞笑地自揭在家中最愛騷擾老公，以高八度「慳啲啦 Baby」上身謂：「我喺屋企好似喜劇演員，會話：『老公，你同我玩吖！』」Leanne 名副其實是 Drama Queen 難怪香香忍不住感嘆謂：「我哋人人都覺得祖藍係好好笑嘅人，但祖藍覺得你係好好笑嘅人，睇得出佢好欣賞你同好錫你。」
Leanne 爆大女 Gabby 覺得爸爸好短。
搞笑媽分享女兒趣事
談到兩名囡囡時，Leanne 又再度發揮搞笑本色，大叫我愛奶奶之餘，又大爆 Gabby 經常指爸爸很「短」。「喺佢心目中，爸爸係好短嘅，媽咪高，爸爸短，我就話：『唔係，唔好咁講，爸爸矮啫』。」Mayanne 聞言，笑到面都紅晒，更忍不住質疑問到：「矮同短有咩分別？」想進一步知道 Gabby 眼中的王祖藍是怎樣，以及 Leanne 為何如此愛爆奶奶，並笑言可將「奶奶」借給香香應急？密切留意今晚一集《Mayanne 小喇叭》。