![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25123534/5-11.jpg)
《2024 香港小姐競選》15 強佳麗分別是 1 號陳紫佟、 2 號倪樂琳、 3 號王汛文、 4 號謝淑怡、 5 號莊曉婷、 6 號李曼思、 7 號秦冀雯、 8 號盧凱怡、 9 號陳甜甜、 10 號吳芷靖、 11 號梁嘉莹、 12 號鍾翠詩、 13 號程姜月、 14 號楊梓瑤及 15 號俞可程。 15 位候選佳麗日前齊集拍攝官方造型照,並分別以最簡單黑、白背心上陣,展現最 Pure 最 True 一面!
模擬港姐奪冠畫面
除了公布官方照,官方近日陸續釋出以「2024 香港小姐冠軍可能係…」為主題的宣傳片,15 位候選佳麗模擬奪冠情境兼分享性格特質。其中年紀最小、只有 18 歲的 1 號陳紫佟動作多多,大擺可愛 Pose,惟期間不慎弄跌頭上后冠,相當遴迍。
2 號倪樂琳則自爆最愛瞓覺,更腦筋急轉彎地以此勸勉香港人要多放鬆:「我係長睡眠者,中學時候試過連續瞓咗廿幾個鐘,我懶嘅呢個特質,可以鼓勵香港人勞逸結合。」12 號鍾翠詩則指自己是一名勇敢女生,並自信十足謂:「我覺得自己好勇敢同埋自信,可以代表香港作為親善大使宣揚香港,展示香港嘅美。」13 號姜程月則自覺特質是親和力和抗壓力,「我有親和力可以拉近同觀眾嘅距離,同埋覺得自己有比較大嘅抗壓能力。」9 號陳甜甜自我介紹環節,展現了烈女的特質。「我覺得自己膽大心細、有愛心,人生中會遇到好多困難,但我從來唔會退縮,我覺得呢啲困難都係可以成就到(更好嘅)我。」
佳麗分享性格特質
參選以來,以高身形備受關注的 14 號楊梓瑤透露想做演員,全因劉亦菲。「我 2021 年睇電視見到劉亦菲,嗰陣時起我就好想做演員,好多謝媽媽好支持我。」自我介紹環節同樣令人 Impressive 的,還有毅力及意志力驚人的 15 號俞可程,為了以更佳姿態參選港姐,事前進行了地獄式減肥。「我喺 2 個月減咗 14 磅,雖然好辛苦,但我性格係一決定咗就要做,即使結果點樣都好,努力咗就好足夠。」
屬於「閱歷型」的佳麗有 7 號秦冀雯和 8 號盧凱怡。 7 號秦冀雯來自南京,靠着自學講得一口流利廣東話,非常叻女,她亦自認自己十分獨立。「我細細個就出咗去讀書,所有嘢都係靠自己去解決,過程中不斷咁成長,變得更加成熟同堅強。」擅長國標舞的 8 號盧凱怡則坦言喜歡在舞台上,發熱發亮。「我一直以嚟都好有自信,上到台時好少會去擔心同驚,好享受舞台上嘅感覺。」
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25123634/6-11.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25123716/7-11.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25123749/8-12.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25123823/9-10.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25123854/10-11.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25123933/11-10.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25124006/12-10.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25124050/13-10.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25124125/14-9.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25124205/15-8.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25124241/16-8.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25124320/17-8.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25124353/18-2.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25124427/19-4.jpg)
![](https://tvbaw-blog.s3.us-west-1.amazonaws.com/tvbusa/wp-content/uploads/2024/07/25124500/20-4.jpg)