《金式森林》（暫名）剛於 7 月 9 日在赤鱲角一間酒店拍攝一場慈善基金晚會的場口，並有郭晉安 (安仔) 、陳曉華、羅子溢、何廣沛、陳浚霆、郭柏妍、羅天宇、何依婷、陳星妤、莊子璇、龔慈恩、江嘉敏等演員參與。為配合場口，一眾演員均以盛裝上陣，場面衣香鬢影。當中，何依婷更以女扮男裝，與陳星妤在台上共舞，表現合拍。
安仔與歐倩怡（Cindy）宣布結束 18 年婚姻，Cindy 更在早前接受傳媒訪問，透露 2019 年患上重病，面臨瀕死狀態，但當年未有得到安仔及時適當照顧。探班時，安仔被傳媒追問此事，他則不欲多加評論。「唔再講，唔係真嘅嘢唔回應，呢個亦係我一路喺娛樂圈，面對傳媒嘅睇法。」問到會否擔心仔女受此事影響，安仔表示即使他們冇睇報導，同學也會跟他們講。「我都有輔導佢哋，同佢哋傾偈。佢哋知道爸爸媽媽做娛樂圈，特別有人留意，每句說話都有影響，所以佢哋都明白。」Cindy 在訪問中透露自己有玩交友 apps，安仔表示不太清楚，因為二人已經分開了，不會為她做的任何事表態及評論。最後問到二人的關係狀況，安仔便說：「朋友，有時都會用 whatsapp 傾仔女嘅事。」
