以推介好書為宗旨的 J2 長壽節目《開卷》，由林溥來（Patrick Sir）帶領何泳芍（Honey）、伍韻婷（Juliana）及涂毓麟（Oscar）主持，今晚播出的一集，嘉賓是無綫劇集《婚後事》監製林肯及編審黃秉怡，二人不止是工作上拍檔，私底下更是夫妻關係。
劇集靈感來源
林肯與秉怡在節目中分享了拍攝《婚》劇時所參考的兩本書《情欲徒刑》（Mating in Captivity:Reconciling the Erotic + the Domestic）及《第三者的誕生》（The State of Affairs:Rethinking Infidelity），作者均為婚姻治療師 Esther Perel 。黃秉怡提到故事緣起，是始於十年前老公的一則短訊。「當時公司想拍一套講離婚嘅劇，忽然諗起 10 年前，我哋未結婚嗰陣，佢 send 過婚姻治療師 Esther Perel 資料畀我，所以搵咗佢嘅書嚟睇，我哋套劇確實參考咗好多 Esther 寫嘅個案。」
思想出軌兩面睇
劇中最引人爭論的是羅子溢的思想出軌是否出軌？她認為議題可分成兩種，一是接觸不到，且不認識對方，黃秉怡解釋說︰「例如你見到張相，而思想出軌，係避無可避。另一種是接觸到，有渠道溝通，而呢個想法令你有行動。劇集想講嘅係既然欲望咁強烈，係咪本身關係上出現問題？不忠係反映雙方關係是否有所缺失？」她忠告發現另一半出軌時，不要以受害者身份自居，對雙方事後走出陰霾都沒有幫助。她亦說不要作偵探式查問，例如「你幾時幾日去咗邊」、「同邊個一齊」等審問式問題，而是以調查代替查問，檢討自身有甚麼不如對方的地方，她表示這些都是從兩本書中學到。
被爆逢人嗌 Baby
二人自爆創作過程經常嘈交，且擦出真火花，林肯認真的說︰「真係嗌交嗌到癲咗，佢痛苦唔會令我開心，都幾艱辛。但回望可以有機會開心拍一套大家喜歡嘅劇集，佢寫我執行去拍，其實都幾浪漫。」
黃秉怡乘機「投訴」老公的鬼仔性格，笑說：「佢話佢係鬼仔性格喎，係人都叫傻豬、 baby 。」一旁的林肯立刻解釋，因為長時間在外國生活，所以男女間的溝通會帶點 flirty 。「原來太太好介意，明白到呢樣嘢令人有誤會，而你又無咁意思，有事時真係唔知點收科。」林上言論隨即被太太一句 KO，想知道黃秉怡如何令林肯「心悅誠服」認輸，密切留意今晚節目播映。