全新飲食旅遊節目《感動味蕾美食餐廳 100 強-關西篇》由綜藝節目新丁王敏奕，夥拍「日本達人」周奕瑋（阿 Jar）擔任主持，二人將會合駐居關西的日本新一代食神威先生，遊走關西京都、大阪、神戶及奈良等地區，搜羅及介紹數十間經專業認可的日本美食餐廳，尋找感動味蕾的瞬間。
節目每集以不同人生主題為切入點，搜羅及介紹美食餐廳能夠感動味蕾之處，並從中發掘餐廳主理人及老闆的獨特故事。
《感動味蕾美食餐廳 100 強-關西篇》
7 月 1 日起
星期一至五
10:30PM
翡翠台
王敏奕是爛 Gag 王？
阿 Jar 首次與敏奕拍節目，他估不到二人一拍即合，很快便建立了默契。「我們都是透過呢個節目先真正認識，想唔到拍攝頭兩三日，已經好快有默契。拍旅遊、飲食節目一向係冇稿，我同她經常都會諗到同一句對白、同步講，好夾。」
以拍戲為主的敏奕首次拍旅遊飲食節目，除了開心與日本達人阿 Jar 合作，亦說與他合作，帶來不一樣火花。「我好怕對住鏡頭講嘢，想唔到佢都好怕。我哋兩個怕醜的人一齊拍節目，可以互相壯膽，擦出新火花。」二人因為節目而混熟，阿 Jar 笑說敏奕好有「食力」，適合做飲食目主持外，還大爆敏奕不為人知的地方。「佢係被女演員耽誤咗嘅爛 gag 王，每一集食完嘢，介紹道菜，佢都會飛咗一句金句出嚟，可以成為新一代金句王。」
日本食神有多神？
節目將介紹多間關西美食餐廳，除了靠節目組做足資料搜集，走訪多個當地人意見，亦要靠節目主持威先生，才有機會拍攝多間隱世或人氣餐廳。首次在香港節目亮相的威先生來頭不少，長居關西的他愛美食愛研究食物，亦喜歡在網上分享美食，被人幫為日本新一代食神。阿 Jar 坦言好榮幸邀請到威先生一齊做節目，並說：「香港同內地有好多藝人、知名人士去大阪，或者日本唔同地方旅行，book 完機票後，第一件事就係搵威先生。因為威先生知道好多食好嘢嘅地方，同埋有啲地方唔係話 book 就 book 到，需要靠威先生幫手，先可以食到。」多得人面廣的威先生，節目才有機會拍攝到一些需要預約幾個月，甚至一年的人氣餐廳。這類餐廳一般不會接受訪問，全靠威先生搭路，節目組才可以拍攝，將美食呈現。
