美酒與愛情之間有著千絲萬縷的關係，當中，威士忌猶如愛情般千變萬化，既可純飲，又可以加冰加水，甚至調制成雞尾酒，像愛情般既可轟轟烈烈，亦可以平平淡淡、細水長流。
全新節目《尋醉蘇格蘭》來到威士忌發源地之一蘇格蘭，《CP 訓練營》合作過的熒幕 CP 李爾晨 (Kyle) 、伍倩彤 (Gillian) 將走訪三大酒區，品嚐美酒的同時，亦嘗試探索烕士忌與愛情的關係，從酒精中發掘愛情的真締。
直男激死女神
節目中，Kyle 及 Gillian 進行 10 日的蘇格蘭之旅，除了到三大酒區品酒、食當地美食，還會到聞名海外的逃婚小鎮、深入蘇格蘭高地、體驗當地文化、探訪居蘇港人，亦會介紹當地情人必到打卡勝地。
Kyle 與 Gillian 也是首次拍旅遊節目，本以為 Kyle 會盡展紳士風度，照顧女神，誰知 Kyle 竟然是超級直男，直線思維完全不懂與 Gillian 互動！甫落機，Kyle 即發揮直男本色，大頭蝦將 Gillian 行李放在一二邊，之後冇車牌的 Kyle 又要 Gillian 駕車到目的地。來到首站雷特納格林小鎮，Kyle 更是變本加厲，在試飲雞尾酒環節，Kyle 竟不是讓 Gillian 試先，而是自私飲先，激到 Gillian 忍不住掟飲管，十分搞笑！
雷特納格林小鎮是蘇格蘭著名結婚小鎮，原因是蘇格蘭法定結婚年齡比英格蘭細，吸引不少年輕情侶出走到蘇格蘭結婚。當年更有鐵匠舖老闆搵到商機，以鐵匠舖充當結婚禮堂，並用格仔長絲帶及鐵鎚作為獨有的結婚儀式。 Kyle 與 Gillian 體驗鐵匠舖行禮的儀式感，不過途中，Kyle 繼續直男上身，竟然對證婚人講:「I do！」Gillian 笑問:「你唔係應該對住我講咩？」搞到 Kyle 尷尬到遮面大笑。
靠拍檔頂酒
Gillian 接受訪問，繼續爆 Kyle 直男笑料。「最難忘有次喺公園度見到大丹犬，我想踎低同佢影相。點知隻狗好興奮，企喺身同我玩，佢企喺身係高過重過我，撞到我成個坐落泥氹度，成個 pat pat 連底褲都濕埋。 Kyle 淨係掛住拍片恥笑我，冇扶我起身，我真係有啲嬲。」
雖然 Kyle 旅程中成日激親 Gillian，不過也做了一個體貼行為，就是幫 Gillian 頂酒。「拍攝唔使飲太多酒，Tasting 為主，不過有時太早飲酒，朝早 8 點食完早餐就飲酒，有點 tipsy 的感覺。試過飲到咁上下，飲唔到就塞畀 Kyle 飲，因為佢都好飲得，哈哈！」Kyle 也說全日都是微醺狀態下拍攝，莫非 Kyle 的直男本色是受酒精影響？「本身唔算飲開酒，但每日朝早都要試威士忌就有啲唔慣，平時應該夜晚飲㗎嘛！」
